Husn Pari Ek Jalwa Mastana Hai Us Ka - Aatish Urdu Ghazal

Husn Pari Ek Jalwa Mastana Hai Us Ka Picture
Husn Pari Ek Jalwa Mastana Hai Us Ka

Husn Pari Ek Jalwa Mastana Hai Us Ka
Hushiyar Wohi Hai Ke Jo Deewana Hai Us Ka

Gul Aatay Hain Hasti Mein Adam Se Hama-tan-Gosh
Bulbul Ka Yeh Naala Nahin Afsaana Hai Us Ka

Jo Chashm K Hairaan Hui, Aa'eina Hai Us Ka
Jo Seena K Sad Chaak Hua Shaana Hai Us Ka

Woh Yaad Hai Us Ki K Bhula De Do Jahan Ko
Haalat Ko Kare Ghair Vo Yaarana Hai Us Ka

Yeh Haal Hua Us Ka Faqeeron Se Huvaidaa
Alooda-e-Duniya Jo Hai Begaana Hai Us Ka

Shukrana-e-Saqi-e-Azal Karta Hai Aatis
Labraiz Mai-e-Shauq Se Paimaana Hai Us Ka